يا اغلــى وطـــن حنا ترنا رجالــــك
لجلك ترى ترخص لك اعمار واعمار
ناطـــى علــى راس الفتن والمهالـك
والــي نوك بــشر نظرم بــه النـــــار
ماهزنـــا حاســـد وجاحـــد نوالــــك
يفرق اهل الـــدار ويخرب الـــــــدار
ولا مارضينا انعيش بارض(ن) بدالك
ولا منـــتخلى عنــك لوصار ماصـار
يا دار من شمــسك حمتنــا ظــــلالك
ويامــا حميتيـــنا مـــن الـــوقت لوجار
ياغلى وطن دايم عسى الــخير فــالك
ويحميك رب الكون من شر الاخطار
مادام ابومتـــعب مـــعك زان حــالك
شيخ العرب في بســمته خير وامطار
وسلطان ابـــوخالد علــى ايديه شالك
وعلــى العدوى سلطان قاســي وجبار
ونايـــف وزيــــر الداخــــليه بنـــالك
مكانت(ن) ياغلــى وطــن بين الاقمار
دمـــي وما تــــملك يــــديه حـــــلالك
ويفداك مـــابالكون مــن ارض وانهار
شعر //سعود