اُخذ مفاتيـح الغـلا وافتـح ابـواب
قلبي وعيني .. لا تغـرّك ظنونـك
واخذ قيـودٍ للعهـد بيـن الاحبـاب
قيّد مشاعر صاحبـك .. لا يخونـك
واخذ مجاريح النظر .. هاك الاهداب
واجرح عيـونٍ ماتسامـر عيونـك
خذني حلالك .. ما ابي كلمة اعتاب
عسى مشاريـه العتـب مايجونـك
يا سالب الألبـاب ومحيّـر البـاب
لُب الحكي .. يمناك لاطيـح دونـك
مادامك الوارف وفيك الثمـر طـاب
ميّل على المحبوب ليّـن غصونـك
بَذوق طعمك واكتشف بعض الاسباب
اللي حدتنـي استمـر فـي جنونـك
من حقي اعرف صاحبي ليه جـذاب
حتى اني اقدر يا عشيري اصونـك
مد المواصل .. ارحم اللي معك ذاب
اطلق يمين الـود واكـرم شجونـك
الشوق فينـي لحّـم النّـاب بالنّـاب
احكَم عليّه وانـت ماقلـت عونـك
بالمختصر .. كلمه ولا ابيك ترتـاب
إتهمّني واهـي بعـد مـن شؤونـك
اخذ مفاتيـح الغـلا واغلـق البـاب
بعيش فـي ذمـة غـلاك وعيونـك
.
.