[محمد الراشد]

السلام عليكم ورحمة الله بركاته

قصيده قديمه اتمنى ان تروي عطشكم الشعري
كتبتها في حالة غضب عندما كنت في شمال المملكه قبل سنون لا اتذكر عددها

يافارج الضيقات ياعالم الحال
يامسقي" هـاجر بعز القوايل
تغفر ذنوب" مالها اول ولاتال
عبد" بفعل الذنب ضمن الاوايل
مؤمن يبي لطفك ويدعو ولازال
ويفوز في رحمتك يوم الهوايل
ومادامها صارت كذا مالها فال
نيابة" عنهم كثـــار وقلايل
مايصير اقدر واستحي واعتبر ذال
ابشر برد مناسب" لأي عايل
يلي تسب الناس باقفاي واقبال
وجميع خلق الله عيوب ورذايل
ان جيتني بومــه واذ اقفيت رجال
عزالله انك يالبويمه .....هوايل
وقيمتك عند الناس ماتاصل ريال
ولا أول ولا هالحين مالك فعايل
جدانك الاثنـــين والعم والخــال
مافيهم الي ينطحــــون القبايل
والا انــــت معروف" مع الناس...
وانا استخير الله ماني بقايل
يعني تعرف موقعك من بين الافعال
وجدار بيتك لو تسويه مايل
نشدت ربعك عنك واصبحت مهتال
لانك على فعل الردى صرت هايل
شذيت من ربع" كريمين وابطال
واستغربوا ربعك حمول الاصايل
قد قلت لك لاتنطح السيل لاسال
خلك على مربضك فوق النثايل
حاولت لكنك على طول تنهال
يعني على ماقيل مامن صمايل
ليه مع اهل الطيب منزل ومنزال
ومن فضل ربي مفرادتي جزايل

دمتم بخير
محمد الراشد

الموضوع الأصلي: جدانك الاثنين ..والعم والخال ,,,مافيهم الي ينطحون القبايل | | الكاتب: محمد الراشد | | المصدر: شبكة بني عبس