أصغر شاعر بالمنتدى (( أول مصافحة : أذا تبي فرقاي...........؟؟؟؟؟؟ ))
السلام عليكم ورحمة الله وبركاتة
يسرني تواجدي بينكم
اولآ أحب أن أعرف عن نفسي
الاسم / عمر عيد بن وطين العازمي
السكن / الكويت
العمر / 16
الهواية / الشعر نظماً و محاورة
و حبيت أشاركم بهذا النص كبداية ..!!
بالحب طعتك لاكن اليوم بعصاك = دامك تجازيني بكثرة صدودك
ياللي كتبت الشعر كله لعيناك = و ما شفت منك الا جفاك و جحودك
هاذي جزاة اللي يحبك و يهواك = هاذي جزاة اللي تمنى وجودك
كم مرة ٍ جيّتك تدمـح خطاياك = و كم مرة ٍ شرك تخالط بـ/ جـودك
أسمع كلام ٍ جاك يا صاحبي جاك = و ابغى جوابه في منصـة ردودك
أذا تبي فرقاي يا زين فرقاك = و أذا تبيني ما تعدا حدودك
دمتم بود
آخر تعديل بواسطة عمر العازمي ، 25-04-2011 الساعة 09:06 PM.
|