قبيلة بني رشيد - عرض مشاركة مفردة - فَزّيتْ مِنْ نُومِيْ و أَنَا أَقُولْ لَبّيك .. و آثرِكْ رُؤيَا فِيْ مَنَامِيْ و جَاتَ

راسبه بالحب

شفتك بعد غيبه .. وحاولت احاكيـك
مهوب من قلبي ولا مـن جراتـه

بغيت اقول / فلان و ازريـت اناديـك
وكني سمعت اسمـي معـا لالتفاتـه

فزيت من نومي وانا اقـول لبيـك
وآثرك رويا .. فـي منامـي وجاتـه

صفقت كف .. وقلت يا حلم يشوويك
جددت لي جرح ٍ هنـى فـي مباتـه

يا اللي شريت البعد .. ما غاب طاريك
حتى لو ان البعد .. سـوى سواتـه

مهوب محزني .. على حاجـةٍ فيـك
إلا إن قلبي شايـف ٍ بـك غناتـه !!

كن الطيوف تقـول وشحـال غاليـك
وآقول راح .. وما بقـى الا غلاتـه

لو ان ما جانـي مـن الهـم ياتيـك
كان المصلي ما حفـظ وش صلاتـه

مريت شارعكم .. وصادفنـي أخيـك
واللي قطع كبدي .. حلاتـك حلاتـه

بغيت الخبط من دعايـاه ,, وادعيـك
واسمك وقف بين اللسان ولهاتـه

وبغيت اجيب العيد وآقول : يرضيـك
فاللي وصاتي له .. وضيّـع وصاتـه

البعد شيّـب خافـق ٍ ميـت فيـك !!
والى مشى خطوه عثر فـي عصاتـه

مشكلتي / إن قلبـي يحبـك ويغليـك
و مشكلتك / انك شخص عايش حياته

كثر الجفا .. نار .. وحطبها تغليييـك
خف الحطب .. لا تزيد نار الشماتـه

إن ما احزنك جرح ٍ برجواه يدعيـك
ما عاد تفرق .. عيشته مـن مماتـه

قلبي وعمري .. كلها بيـن اياديـك
العمر فدوه .. لكن القلـب هاتـه !!

وإن ما بغيت ترد قلبي مـا اوصيـك
احسن عزاه .. الى دريـت بوفاتـه

الشششأإعـر : حمد البريدي

راقت لي ..

الموضوع الأصلي: فَزّيتْ مِنْ نُومِيْ و أَنَا أَقُولْ لَبّيك .. و آثرِكْ رُؤيَا فِيْ مَنَامِيْ و جَاتَ | | الكاتب: راسبه بالحب | | المصدر: شبكة بني عبس