خل احتمالك كبير وخل بالك طويل=على زمانك وناسه والطريق المدي
ترى الزمان المساري وانت عابر سبيل=اما عبرته مشي والا قطعته عدي
لكنلا تجعل احلام العمر مستحيل=لو كان حظك من صروف الدهر جرهدي
احد ليا جاته اقل المصايب يميل=واحد من اكبر مصيبه للفرج يهتدي
كب الكلام الكثير اللي مفيده قليل=ماغير الافعال يبقى ذكرها سرمدي
يموت موته قهر من كان قلبه بخيل=ويعيش عيشه فخر من كان كفه ندي
ودام الجدي بالسماء قدره يشابه سهيل=لو تمدح سهيل مايزعل عليك الجدي
اللي عرف قدر فعله عند ربعه نبيل=واللي يشك بغلا ربعه ضعيف وردي
لا شبت اصغار خلق الله نار الفتيل=قام يتناثر من صدور الكبار بردي
خالد سعد الدوسري