لو هجرتي عن عيوني ماهجرتي
لو هجرتي ماهجرتي عن خيالـي
ادري اني مثل ما انتـي نظرتـي
وادري اني فوق موفور انشغالي
وادري اني ادري انك ماغدرتـي
وادري ان الحظ ماعمـره يبالـي
ابعد انك في نعيمـي ماشكرتـي
وابعد انـك مبعـده ودك بدالـي
قالوا اكبر من كذا قالـوا كبرتـي
قالوا اكبر من كـذا ولا حوالـي
قلت انتي حلم مدري علم انتـي
يمكن انتي دعوة الغالـي لغالـي
لو صبرتي لو دقيقه وش خسرتي
كن عمرك مالقى وقت لسؤالـي
انتظرتك قد عمـري ماحضرتـي
انتظرتك قد صبـري واحتمالـي
ليه ياعين الوفا بـس انكسرتـي
ليه صار الشوق مدعاة الليالـي
وحدك بلفته على قلبـي قدرتـي
وحدك بنظره وجدتينـي اوالـي
في جميع الحس عثتي وانتثرتي
في جميع الوقت حلي وارتحالـي
فتنتي كانك على حرفي عبرتـي
ومنك من شوقك فهمتي ماجرالي
نيتك ياللي مدى جرحي خبرتـي
جربي يمكن يجي منك احتفالـي
ينكسر قلب الوله لـو ماجبرتـي
ينكسر خاطر شجن غنى وصالي