النازي
يابحر وصل سلامي يم جارك وابن عمـه=كان جيت القوم تكفى طالبك ترسل سلامي
بحر (.؟؟..) يابحرناا فيه خمسية مطمـه=كان حليت الطلاسم قلتلك هاك الحزامـي
بحر الخليج
ماني موصل سلامك قبل ماقول الك سمه=واجد الجيران واكثرهم ماهو كفو احترامي
البحر والجو والصحراء بها حاجه مهمـه=لاتخاف من البلاوي وانت في ظل العمامي
النازي
أدري أنك غادي(ن) منته ترى قـد المهمـه=كيف تنسى جارك ألي راويك لاصرت ظامي
البحر لاصار هايج صاحبـك مـازاد همـه=حالت الظروف القطاعه بين شرق وبين شامي
بحر الخليج
جاري الطيـب حشـا لله ياهتلـر ماذمـه=والردي كاني نسيتـه لاتلحقنـي ملامـي
والبحر وان هاج يالنازي سحبك براس كمه=قبلك ديارن سحبها مثل ماراحت سونامـي
النازي
جعل جارك يرشيدي جعل بقعه ماتضمـه=مالحقك الشك وانته من رفيعين المقامـي
انت سحبك خابره وأنكان فيك اليوم حمه=لليلك أسو د ياحبيبي ماهو جلاي الظلامي
بحر الخليج
كل من جانا يصفق لك ويومي في معمه=انتبه جاك العشاء لكن ماجاك اليدامـي
الحمل ياشعيل جالك نوخ لحملك وزمه=مايهمك ياجملنا وانت مردوم السنامـي
النازي
أنت قلي وين ضايع يوم باروده تشمـه=التمني مايفديـك مايفيـدك بلحلامـي
الحروف الابجديه بين كسره وبين ضمه=ياوسيعين الهدوم وياكبيرين الاسامـى
بحر الخليج
قالو الغرقان خله كل مابوجهـه يخمـه=ذاق طعم الموت واذن للصلاه وللصيامي
اشهدو مافار دمي كان خصمي فار دمه=واشهد انه من رجالن لاتهان ولاتضامي