[كلي طموح]

من لامني بالحـب ماله ومالـي
ياكثر منهم من الحب شاكيـن

مهما نطقت و قلت والهرج طالـي
سكت حيره وان طريته بعد حيـن

حبي لهـ ماهـو كلامـن يقالـي
ولاهو سوالف من سوالف مسنين

ولاهو حروف وسجلوهـا مقالـي
ولاهو بعد بلحون صوت المغنيـن

شوقي لهـ لامن وصفته خيالـي
واذا كتبتـه محتـواه الـدواويـن

واذا رسمته شفت رسمي جمالـي
واذا كرهته صعب من يكره العيـن

واذا طرى لي غيرهـ ماطرالـي
واذا نساني صعب نلقـى بديليـن

بالشرق والا الغرب والا الشمالـي
والا جنوب المملكه او ورى الصين

والله ملقاله شبيهـن يحالـي
باوصافه حتى بعد شيخ الزيـن