السلام عليكم ورحمة الله وبركاته
محاوره بـيـن الـشــاعرين
مصـنت بـن شــري و عـلـي الهـيفــي
مصنت بـن شـري
سلام الله على آهل المنتدى والعضو والزوار=تحيـه طيبـه بالـورد والازهـار نهديهـا
توكلنا على الله وبتدينـا وابتـدى المشـوار=على وضح النقاوالكـل ياالشعـار يوحيهـا
علي الهيفي
هلا يامرحبا ترحيب ونيابه عن الشعار=اببدعها مع مصنت مادام انه بـدا فيهـا
تفضل ياطويل العمر بالموضوع لاتحتار=تبي تلقا بيوتن تبتنومـس فـي معانيهـا
مصنت بـن شـري
يدوم بك البقا وانته وانا والليل فيه اسرار=ولا احدن يشتكي من جمرتن ماهو بواطيها
ليامنا دخلنا السوق ميز واعرف الاسعـار=ترى السلعه تميز عنـد بايعهـا وشاريهـا
علي الهيفي
نعرف السوق لامنا دخلنا وتعرف التجار=لها كلمه بوسط السوق والتجار تغليهـا
نبي نشري يلو انك تحط دينار او دولار=هذا الميدان ياحميدان والسلعه بتخليهـا
مصنت بـن شـري
ليا منه سرى لليل وبقا لليـل ياستـار=علومن بينت وعلوم يالهيفـي نخفيهـا
بعد بكره عباد الله تسمع نشرة الاخبار=الا ياعزوتي والقوم تعرف في عزاويها
علي الهيفي
بعد بكره عبادالله كلـن رافـع لـه شعـار=وربعي وعزوتي بالصوت ماتبخل يمانيهـا
ولامن ربنـا سهـل ووفقنـا نـرد الثـار=في دار السته عشره جعل ماتقصر خطاويها
مصنت بـن شـري
صحيح السفن في حكم الرياح بغبت الابحار=علومي جتك ياالهيفي عسى بذنيك توحيهـا
وانا قلبي على قلبك من النخوه بجيك اطيار=تخاب اللحيه اللي ماتبيض وجـه راعيهـا