[بندرالرشيدي]

بسم الله الرحمن الرحيم

السلام عليكم ورحمة الله وبركاته
أسعد الله أيامكم ولياليكم..

هذه القصيدة ما هي إلا تعبيرعن معاناة الملايين من أبناء وبنات الوطن
اللذين أحرمهم قياس من تحقيق طموحاتهم.
وهي مرفوعة لمقام سيدي خادم الحرمين الشريفين أطال الله في عمره.

‘‘قيااس‘‘

مانت بقياس الا انت قطاع ا لار ز اق=يا للي حرمت ابن الوطن من حقوقه
تقتل طموح اللي للامجاد توّاق=من يطلب العليا اختبارك يعوقه
كان امتياز وأشرقت شمسه اشراق=ضاعت مسيرة عمر لاحت بروقه
لا تعتمد منهج و لا عندك ا و راق=همك على من هو تخرّج تسوقه
اذا هدفك الربح يا كثر الا سواق=ترزق الله رز قنا لا تبو قه
حصلت ما يكفيك لا تز يد الار هاق=ضاع الأمل وانت السبب في نفوقه
صارت شهادات المواطن لك اسواق=عندك غدت كل الجيوب مخر وقه
ذا جامعي يطبخ وذا صار سواق =ضيعت جهدٍ صاحبه ما يذوقه
السالفة هم وقهر يحرق ا حراق=مستقبلٍ يعدم بحز ة شروقه
تكفا يا ابو متعب ترى الحمل ما يطاق!= وا نت الذي للعد ل كفك سبوقه
دونك ودون الدار ا لا عمار تنساق=حنا جسد واحد وحبك عروقه
بصدورنا للدار عهدٍ وميثاق=صحا يفٍ وسط القلوب مخلوقه
دامك بخير نوسع الصدر لو ضاق=يا للي ضمنت لكل شعبك حقوقه

مع خاالص..

الشكر.والتقدير..

بندر بدر الرشيدي.

الموضوع الأصلي: تكفا يابو متعب ترى الحمل مايطاق..قياس.. | | الكاتب: بندرالرشيدي | | المصدر: شبكة بني عبس