[كلي طموح]

في حزة اعناده وفي حزة اعنادي
قلت انت طايح من اعيوني كذا مره

شفني رفعت الحمول وقلتلك عادي
والقلب قبلك عجاج الوقت ماضره

لاصرت ناوي ابعادي جرب ابعادي
ارحل وخل الليالي تدفن الجره

كبرت في عين تاريخي وميلادي
وصغرت في عين عدواني من الحره

صديت عنه وراح القلب ينقادي
احاول اصدده مير الغلا فره

ولديت عيني عليه وحدني حادي
من يوم شفته وشفت العين محمره

واقول في خاطري والضيق يزدادي
والله ليبطي وانا اقدره وبره

اشلون ابنسا علاج الجرح وضمادي
يومني اسهر علي طاريه وصوره

العام في غيبته نساني ارقادي
وماطاب جرحي وراه ولا غدا شره

اشيل صوتي ورا فيروز وانادي
واتل قلبي من الهجران وجره

نسم علينا الهوا من مفرأ الوادي
سمعتها ودمعت عيني من الحره

دنق ودمعه يسيل وقال يالغادي
الا انت بعدك يتل القلب ويجره

طعنتني بين وجه الحب وفوادي
فديت خشمك لاعاد اتعاود الكره

ضحكت قلت انت ياغيمي ورعّادي
في ذمتي عيشتي في غيبتك مُره

تبي الصراحه غلطت ابحزت اعنادي
والا انت ماطحت من عيني ولامره