عسى مازعلتك البارح وزودت الجراح جراح
..عسى مامرت الدمعة على أهدابك من أسبابي
جرحتك من كثر شوقي وخليت الكلام رماح
...ولأدري شلون ياعمري طعنتك حيل بعتابي
بدون شعور صدقني ترى كثر الغلا ذباح
...تعال وشوف بغيابك غلاك شلون سوابي
حرام تغيب من عمري وتعطيني الفراق وشاح
...حرام الدمع في عيني مناديله هي أهدابي
غيابك يشغل عيون الزوايا وأمتلئ أشباح
..وأنا انثر صوتك بقلب المكان وأشعل أبوابي
تلفت للأمل دام الرجا في عمري الملواح
..أناديلك ولو شرهة وصولك تقطع أعصابي
أبيك الجاي من عمري أنا مابيك شي وراح
..مدامك أجمل وأخر مدامك أول أحبابي
أبي أرتاح ياعمري أنا ادري هم تبي ترتاح
تعال وقبل ما أفرح ترى تفرح بك ثيابي
أحبك يابعد عمر الحزن والجرح والأفراح
..أحبك كثر مانامت عيونك داخل أهدابي..