[كلي طموح]

وسط العيون اللي هدبها يغطيـك
نم ياحبيبي جعل نومك عوافي..
ياكبر حبي لك وياكثـر ماغليـك
اول غرامي معك واخر مطافي..
روحي تسافر لك وقلبي يناجيـك
جيتك اسابق خطوة القلب حافـي
هذا انا ياغايتـي ميـت فيـك
والموت فيك احساس ماهو بكافي

انظم قوافي الشعر وارسم معانيك
وانت المعاني كلها والقوافـي..
لا قلت احبك موت ماظن خافيـك
سجلت حبي لك وصدق اعترافي.
قرب حبيبي جعلني حي مابكيـك
نم في عيوني والهدب لك لحافي