تراني كنت متوقع تصدق هـرج خلق الله
ولكن ما توقعتك تسولف بي لعذالك
تبي تنساني ؟ إنساني /.. فداك اللي مضى كله
يجوز أحيا من فراقك مدامي ميِت بوصالك
ترى ما يجحد الواقع سوى خلٍ نسى خله
مثلما تجحد عيوني حنينٍ حيل يظمالك
أكابر من خطا نفسي وأزيد الجرح و أبله
وأتحاول في عبث مضحك أدور غير همالك
حبيبي حتى لو زولي من غيابك فقد ظله
كفاية شمسك اليا اليوم تنسـج حولي ظلالك
تبيني/ اعتذر ؟ ( آسف ) لكن وش هي الزله
تبيني أجرحك ؟ حاضر أناهمك وغربالك
مدام أني سبـب دمع حزين ناظـرك هله
فعساني يا بعد عيني اجل ما اطري على بالك
وإذا قالوا لك إن قلبي من فراقك نـزف غله
قل إن : مابه بلا ! عسى درب السعد فالك
وأنا والله وثم والله وثم والله وثم والله
لا سوي ما تبي من شان بس تحقق آمالك
ولكن قبل ماتبعد وتنسى ما مضى كله
أمانه بس علمني وش اللي غير أحوالك