28-03-2011, 06:11 PM
|
|
محاوره بين الكبار
محاورة بين الشاعر ابن وائل الطاحون والسبع الضاري
الطاحون
سلام الله سلام الوايلي والوايلي معروف يعرفونه قبايل نجد واللي تسكن الحره ابي شاعر يقابلني على معنى ماهو مكشوف ترا خيره لكم وان زاد شره يذبحه شره
السبع الضاري
هلا يامرحبابك ياصحيب العمدة ومعيوف نعرفك بالمواطي لو تدم بثوبك الجره أنا سبع الفلا وأقابلك تسعى معي وتطوف وخير الوايلي قالو عذاب وعيشةٍ مره
الطاحون
انا صحيب الرجال اهل المعرفه وانت ياملقوف لاتحرجنا على بعض الدواء في عينك انذره ياسبع الحره الطرماء علامك بس قمت تسوف على ماقالت الامثال خذ في حرتك فره
السبع الضاري
أنا أبا علّقك بأهل المعرفة وأنت جاك الخوف جفل قلبك بعد ماشفتني لمحه على غره سباع الحرة الطرماء تعذب في سباع الجوف تشهد كان جاك الموت مثل محمد الدره
الطاحون
انا راع الشداد المعتبر والا انت راع ردوف يا راع الصره اللي علتك في داخل الصره اسباع الحره الطرماء عمي وعيونها ماتشوف لقينا ادميها تنزف من الركبه الى السره
السبع الضاري
تقوله وأنت يالطاحون من هاك السنه معسوف سبيبك منطلق وخطامك المجدول تجتره مالومك لو تهل الدمع وتحسب القمر مكسوف يموت العير الاخضر والهوادي فيه مخضرّه
الطاحون
عصفت العام فيكم مثل قشع ٍ يعصفه عاصوف وضاق الكون فيكم يارشيدي بحره وبره على فرقا جحشكم هلت ادموعك وجتك احسوف وانا ماني جحش ياهل الجحش يااكالت المره
السبع الضاري
أعرف إنك خذيت اللي عطوك أحمر خضاب أكفوف عفى الله عن شجاعٍ زر ثوبك وأنت ماتزره جحشنا شرب من شاقي رغد يوم السباع اتحوف تشوفه في عيونك مار مالك قدره أتمره
الطاحون
ترى حنا حمول الخيل والنا رماح والنا سيوف اخذنا راس شيخك وانت ثوبك فوقه تقره جحشكم فوقكم يصهل يبا منكم دفى ودفوف فضحكم بين خلق الله عيونه فيك محمره هههههههههه
السبع الضاري
ترانا عبس حنا بالجزيرة فعلنا معروف ربطنا شيخك اللي تحسب إنه عالم الذره توطاك الجحش كانك ماتدري ياطويل الصوف تذكر وش عطاك من السوالف مره ومره
|