ياما تقهويت من هيله ومن بنه
لو قلت له بس قال اقدع وقهواني
ياجر قلبي ليامن جروا الشنه
احس مع عروق قلبي جر الالحاني
الرجل قد المراجل يوم يأتنه
مير الرفيق ان تنكر موقف ثاني
اللي هقا في رجال وخيبوا ظنه
كنه يطعن بحد السيف شاماني
ابوي يطري كلامه ياملا الجنه
تمشي نصيحته في دمي وشرياني
يقول حقي عليك ان ضيقك تكنه
انته تحمله لو ماكنت غلطاني
كم واحدن في مصابك يبتسم سنه
ولا ابيه يتشمت بضيقك اية انساني
الجرح لابد ما الايام يبرنه
ولابد خيط الجريمه يعلن الجاني
والحرب انا لابغيت اعلنه واشنه
ما يعلم بنيتي لو اقرب اخواني
والطيب لوني فعلته مابها منه
درب احدر معه من دور جداني
واللي تردى يصير بنظرتي كنه
ميتن وهو حي جعل الله لايبلاني
والا رفيقي ليامن جر له ونه
كنه يحرم عليا نوم الاعياني
الرجل قد الصعايب ما يهدنه
والحمل يثني له الركبه بليهاني
قال المثل عيب من بعد العزم كنه
وعيب على اللي يتخفى عقب ماباني
النور يبقى ويدينك مايخفنه
والطيب متعدد اشكال والواني
وحضيض من تم شرع الله والسنه
وماهو على مغريات النفس شفقاني
يالله لاتحرم الطيب من الجنه
في ذلة النفس ياربي لاتبلاني
أتمنى تكون القصيدة نالت على أعجابكم ورضاكم وذائقتكم الشعرية الراقية والمرتفعة