((لحلقه العاشره ))
واول مادخلت الغرفه .. حقت المديره ..
وتتفاجئ باللي موجود .. وطبعا هي كانت لابسه نقابها .. وعباييتها .. وكان اللي موجود
طلال لانه جاي يبي يستآذن لـ آخته لانها تعبانه وماتقدر تداوم .. المهم وتكلمه وهي مرتبكه ..
وهو قاعد يتكلم بذرابه وكنوع من الاعجاب فيها .. لآن ريم مشاء الله جميله جدا .. واكثر جمالها
بعيونها .. المهم وتكلمه قالت انهيت كلامك قال ايه قالت اوكي عن اذنك .. وتطلع .. برى مكتب المديره
ويقعد طلال يسئل المديره عنها والمديره تقول له .. لو سمحت هالاسئله لا تسئلها عندي وتفضل مدام آنك آنهيت
كلامك .. ويطلع طلال ويروح للبيت ويسئل آخته عن الابله .. وهي بس تمدح فيها .. وتقول انها طيبه وبنت اصل وفصل .. وانها على نياتها وتعاملها مع البنات حلو حيل حيل .. وتقعد تتكلم عنها وتقول والله انها احلى ابله
عرفتها بحياتي .. المهم ويروح طلال عند وقت طلعت المدارس ويوقف برى لين شاف ريم طالعه ويبي يعرف وين بيتهم يبي يروح يخطبها المهم وتطلع ريم .. وتركب مع السايق .. ويتبعها لين وصلت ويتفاجئ انها بالفعل طلعت ريم اللي كان يحبها .. لانه اول كان يعرف بيتهم وين .. وتآكد لان سمع من اخته ان الابله اسمها ريم وحب يتآكد لانه اعجب فيها .. المهم ويكلم اهله .. ويوافقون اهله . واتفقو معه يروحون يخطبون له ريم .. وطبعا هو ماقال انها كانت له علاقه معها قبل جذي .. المهم ويتكشخ طلال .. ويركب هو واهله .. وقبل يروحون ام طلال كانت متصله على بيت ام نايف وقايله للخدامه قولي لـ ام نايف يبي يجون لكم ضيوف .. وام نايف رتبة بيتها وقالت لبناتها يتكشخون .. المهم ويروح طلال واهله ويوصلون للبيت واول ماوصلو .. وتحي بالضيوف ام نايف وبناتها .. وساره كانت تسئلها امها وين ريم قالت يمه اللي قاعده جنب امها وتقعد تذكر الله مشاء الله .. المهم واعجبتهم البنت .. وتقهويهم ام نايف وتعزمهم على الغداء وترفض ام طلال .. وتكلم طلال تلفون وهو كان قاعد عند اخوان ريم بندر وبدر ويوسف .. المهم ويستاذن منهم طلال ويعزمونه ويرفض ويركب هو وامه واخته ويروحون وامه بس تمدح بريم .. بجمالها واخلاقها وتعاملها وكل شي .. المهم وقالت لـ طلال نبي نروح بكره ونخطبها منهم ان شاء الله ..
ويجي يوم بكره .. وتركب ام طلال وعيالها وابو طلال .. ويكلم ابو طلال بندر ويخطب ريم .. وقال ان شاء الله ولازم اول ناخذ رآي البنت .. ورآي امها .. المهم وقال ابو طلال اوك .. ويروح بندر وينادي امه واخته ريم ..
ويكلمهم .. ان ابو طلال جاي يخطب ريم لـ ولده طلال .. وانا جاي ابي ااخذ رايكم وباين طلال رجال محترم وابن حلال .. وترد ريم قبل يخلص بندر كلامه انا ماني موافقه .. ويتفاجئ .. بندر ليش عسى ماشر قالت ماشر ان شاء الله لكن ما ابيه ولو يبقى اخر رجال ما اتزوجه .. طلال انتي تعرفينه قبل جذي قالت لا بس انا ماني مرتاحه
من هالزواج .. وتجاوب اجابات اخرى .. المهم ويروح بندر ولا يدري شنو يقول .. لـ ابو طلال ويواعدهم يرد لهم خبر ان شاء الله با اقرب وقت .. قال اوك ويتغدون عندهم ويوم خلصو غداء ويروحون بيتهم .. ويوم وصلو لبيتهم
وتقعد امـه تقول لـ طلال .. ياطلال .. وانا امك بقول لك ..
كاتب روايات
طلال
عايش
الرشيدي
[/color][/size][/font]