(( الحلقه الثامنه ))
طبعا ابو نايف وهو راجع من الدوام شاف رجال قاعد يآشر ..
على الخط ووقف عنده لان سيارته كانت خربانه .. وهالرجال
كبير بالسن .. وكان يبي يروح يلحق على موعده ..بالمستشفى ..
لان الشايب فيه مرض السكر .. وقعد يسولف ابو نايف .. عسى ماشر ..
عمي .. ليش ماخليت عيالك يوصلونك .. ورد عليه الشايب قال عيالي ..
وسكت .. ويرد ابو نايف ..اسف عمي لو ضايقتك .. قال لا ياوليدي ..
عيالي كانو عيال لي لكن بعد ماربيتهم .. وكبرتهم وزوجتهم ..
يوم اخذو اللي يبون مني تزوجو حريم وقامو يمشون على كيف ..
حريمهم .. واتركوني لحـالي لا صارو يمرون يسلمون ولا .. شي ..
حتى كلمة يبـه محتاج شي ماصارو يقولونها.. لكن حسبي الله ونعم الوكيل ..
ويوصله ابو نايف .. للمستشفى ويقعد وياه لين خلص ويرده لبيته .. والشايب يدعي له
.. ابو نايف عطى الشايب رقم تلفونه قال اي شي تبيه .. هذا رقمي ياعمي واعتبرني ولدك ..
ويقعد يدعي لـه . طبعا ..ابو نايف قعد يطالع بعياله ويقول .. عسى ربي مايحرمني منكم ..
ولا تصيرون مثلهم يارب ..وكلهم يقربون من ابوهم ويبوسون راسه بعيد الشر يبـه ماراح نسوي ..
ان شاء الله ..
وتمر الايام ..
وتجي وقت الاختبارات ويذاكرون الطلاب والطالبات اللي يدرسون ..
ويوم خلصو الاختبارات .. والكل خايف من نتيجته .. ويجوون كلهم جايبين الشهايد ..
ناجحين .. ويستانسون مع بعض .. وكلهم درجاتهم حلوه الا يوسف .. والكل يضحك عليه ..
ويرد عليهم .. ويقول ..(ان كان حظك طايح بالدراسه قم العب كوره وان مانفع غن)
هههههههههههه ويضحكون كلهم .. ههههههههههه ههههههههههههههه
وشوي والا يطق جرس البيت والا ام نايف تقوم للخدامه روحي شوفي منو ..
وتروح وماتلقى شي .. ومالقت الا ظرف وجابته لـ أم نايف .. وتجي تبي تفتحه ..
قال يوسف يمه عطيني انا اقراه .. وتعطيه ويوم قاعد يقرا يوسف والا يتغير وجهه ..
ومو راضي يكمل .. ام نايف شفيك كمل .. والكل يتغير وجهه .. كمل شفيك تاخذ منه
الورقه .. وماكملت قرايه الا وهي طايحه .. يمه يمه شفيج عيالها يصيحون .. وهي
مو راضيه تتحجى ولا تقول شي لانها مو مصدقه .. والكل ارتبك ..
وطلع اللي مكتوب بالورقـه ..
[/color][/size][/font]
كاتب روايات
طلال
عايش
الرشيدي