أحن للمــــــاضي وأنا خاطري شآن
وأسامر الذكــــرى ونفسي شفوقه
قضيت ليـــــــــــلي بالهواجيس بلشان
لين انكشف نــــــــور الصباح بشروقه
احيان اقول القلـــــــــــب خافيه مابان
واحيان اقول القلـــــــــــب جفت عروقه
ياصاحبي لو الفـــــــــــــرح مزن هتان
ماشفت جرحـــــــــــــــي زايدتن فتوقه
مير التـــــــــــوجد جاذب القلب بألحان
غنيتها والحــــــــــــزن لاحت بروقه
من يذكر الماضــي ولو حاضره زان
يعوقه الوقت الغبــــــــر شر عوقه
راحوا زحولن في ذرى الارض شجعان
عل الوسم لقبــــــــــــــورهم هل موقه
وجدي عليـــــهم وجد عودن به احزان
يكنهــــــــآ مير البــــــلا في خفوقه
صابر وشايل ضيقته فوق الامتان
وصكات بقعاء في كنفها تسوقه
وحاله تردى مالقى ربع واعوان
لو انها الفزعآآت ابسط حقوقه
هذاك وجدي يوم للــــهم عنوان
لاجيت اداوي القلب زادت حروقه
بصبر واجاهد علتي رغم ماكان
لإني شريت الصبر من طيب سوقه