وين انت ياللي لاتدق ولا تمر
غيرتك الايام مدري وش بلاك
أقول يمكن يتصل يوم وشهر
راحت سنين العمر وانا في رجاك
صبرت من شأن الغلا وراح الصبر
والبعد عندي مايغير مستواك
مدري حدتك ضروف والا بك كبر
والا مع الايام سالي في هواك
في بعادك ماوصل عنك الخبر
هو جفا دنياي والا من جفاك
ابنتظر وابنتظر وابنتظر
يمكن يجي يوم تجدد به غلاك
ان جيت عندي جيتك مثل المطر
وان رحت جعل الله يسهل لك خطاك
كلمات/((الصقر الشرقي))