[ذبحني غروركـ]

أسهر لحالي و لا يطري على بالي
إلا بقايا عِطْرْ من طّيَِب السيرة

اللي من أول أعده ذروة آمالي
صديت عنه رضا وأدري الجفا خِيره

قلبي بعد غيبته من فرحتي خالي
و الهم.. كَوَّن بعيني الذابلة ديره

يمكن نساني وعني خاطره سالي
و يمكن نصيبي بيجمعني مع غِيره

كانت عيوبه محاسن مُرَّها حالي
و صدري وسيعٍ على شّرَّه قبل خيره

ما كان كامل \ و لكنّه عليّ غالي،
حبيت كلَّه –عدا قَسْوَتْه و الغيرة-