الله الله الله روعه روعه رعه القصيده
صح اللسان شاعرها وتسلم يمين ناقلها
أحيوا ظنون الصدور ومات طهر الغرام
........ و سقيت نخل السكوت ولا نبت به رطب
لو كل حلم يتحقق لا نخيت المنام
.......... ما كان حال الحقيقه في عيوني صعب
شفهم ملوا كل ما حولي بكثر الزحام
... و شفني بصمتي مليت أحساسهم بالعتب
وشصار لو زادوا بعين الضرير الظلام !؟؟
.... وشصار لو نادوا الضيقه و صدري رحب؟؟
والبارحه طار من غصن السوالف ملام
............ والبوح : نارً من صدورالاوادم تهب
وانا أكبر احلام عمري هالمواجع تنام
....... وانا اصغر اللي سكن صدري نوايا مُحب
شح الفرح وابتديتك والمشاعر صيام
............ والوقت : ليلً ملى وجه المسافر تعب
ياصمت وشعاد لو سمّو (حياك) انهزام
.......... وانت الجبل لاغدت ريح الحكاوي مهب
يكفي حضورك يشابه بالجفاف الغمام
........... و يكفيك بعيون فضة هالسوالف ذهب
كن أجمل العمر(صوت) وهـ/ الليالي ركام
......... ولا حسوا العابرين بصوت تحت النشب
لله توّي عرفت شلون معنى الهدام
......... وانا اكثر اللي بنا سطح الاماني (سبب)
قل للأمل من عقب سهر المواجع ينام
........... ابطى صباح الحياة وكل حلم انشطب !
لو قصدهم باني النور ..لضرير الظلام
.............ما كان خلوني لنار السوالف حطب !!