ياللي جرحت الشعور وفاض بك غلّك
هزيت كل المكان وبعدني ثابت
لو كان باقي غلا ماجيتني كلّك
إلا المشاعر تخلت عنك وغابت
أنت أعتبرت السكوت بموقفي ذلّك !
وأنا أعتبرتك ظلام ونفسي أرتابت
تشب نار الكلام ويحترق خلّك
الشمعه اللي تنور دنيتك ذابت
أجيك هاقي وأقول أرتاح في ظلّك
واروح منك وعيني شافت وشابت
كنت أحسب الدمعه اللي طاحت تعلّك
ولا حرّك أحساس قلبك دمعه أنسابت
حتى القواقي بعد موال غنلّك
أهز راسي حزن لاودت وجابت
تجبرني أصبر عليك شلون ماملّك
يكفي تحملت لين النفس ماطابت
مايلحقك لوم من عزّك تنازلّك
اللوم كله على الهقوات لا خابت
ياللي جرحت الشعور وفاض بك غلّك
يمكن ترى أموت لو ببقى معك كابت
وصلك عذري ليامن غبت وأكفلّك
أن المراسيل لدروب الوصل تابت