[سلطان الدويله]

	مــقــادير جابتني مع ضافي الاهـــــداب مــقـــادير جابتني معه لين نشبنـــــــي انا معجب(ن) من شفت زوله اشد اعجاب وغيره يجي ويروح ما هو بمعجبنــــــــي وليف(ن) ذبحني دوم في شعره الجـــذاب عفيف(ن) لطيف(ن) كل ما فيه يجذبنــــي ليا غـــاب عني في خيالي معي ما غــــاب حتى في لذيذ النوم طيفه مصاحبنــــــــي سنين(ن) طويله فيه أفكر وراسي شـــاب وغرامه سطى بين الضماير و عذبنــــــي جروح(ن) تعالج بس جرحه مكن ماطـــاب ويقدر علاجي بس وده يداعبنـــــــــــي انا ودي ادله عنه و اجنبه جنــــــــــــاب ولكن حداني صوبه الشوق واتعبنـــــــي اداريه وأحسب كل كلمه لها ألف حســــاب علشــــان مايفرح عذولي ويغضبنــــــــي وهذي مشـــاعر صدق ما قلتـــها كذاب ومن جرب اللي شفت ما هـــو مكذبني

كلمات الشرح


مع تحياتي لكم اخوكم سلطان حبيب الدويله

الموضوع الأصلي: >>انا مـعـجـب فــيــه اشــــد اعجــــــــــاب << | | الكاتب: سلطان الدويله | | المصدر: شبكة بني عبس