عرض مشاركة مفردة
  رقم المشاركة : [ 1  ]
قديم 30-01-2011, 01:21 PM
ابوصالح لرشيدي
مــشرف منتدى الجوال
الصورة الشخصية لـ ابوصالح لرشيدي
رقم العضوية : 11546
تاريخ التسجيل : 11 / 10 / 2010
عدد المشاركات : 2,734
قوة السمعة : 17

ابوصالح لرشيدي بدأ يبرز
غير متواجد
 
الافتراضي لاتعتذر للشاعر زايد المري,,
اتمنى ان تعجبكم

لاتعتذر مال الهجر منك تبرير
صدك بليا ذنب والله ظليمه

ماصارلي بعدك يفوق اي تصوير
تجددت كل الجروح القديمه

بعدك لعبي هاجسي والتفاكير
وقلب (ن)جريح وروح صب(ن)مهيمه

ماغير اسلي خاطري بالمشاوير
اروح وارجع والهواجس مقيمه

ياحبي اللي بين بيض الغنادير
لك في عروش القلب قدر وقيمه

ان كان صدك ماخذك عني لغير
روّح ولو ان الخساير وخيمه

وان كانها عني خذتك المقادير
فالعفو عند المقدره فيه شيمه

يامرحبا والحب كله معاذير
تشفع لك ايام الغرام القديمه

يوم الهوى لازارني منك أعصير
أضم في صدري من اجلك نسيمه

واليوم اصبر خاطر الوجد تصبير
واقول صدك عقب وصلك جريمه

ولاجاك مني ياهوى البال تقصير
مواقفي وياك والله عظيمه

صخرت لك مشاعر الشوق تصخير
وامطرتك بحبن تقفاه ديمه

وظللتك بجفني وصارت مسافير
يوم الغلا بين النديم ونديمه

واليوم ماتنفع كثير المحاذير
تفاغمت بين النفوس الحشيمه

عسى سنينك روض عشب ونواوير
محد لنفسه يرتضي بالهزيمه

اما تخاويني على الشر والخير
والا السلامه منك راس الغنيمه
,,,,,,,,,,,,,,,,,,,,,,,,,,,,,,,,,,,,,,,
وسلامتكم

الموضوع الأصلي: لاتعتذر للشاعر زايد المري,, | | الكاتب: ابوصالح لرشيدي | | المصدر: شبكة بني عبس




توقيع ابوصالح لرشيدي
لولاالمواقف ماكتبت القصايد=ولولا الظروف القاسيه ماتغنيت
ولولاالهموم الماضية والجدايد=ماسقت أنا حزن القصايد وونيت