حي الرجال اللي لهم فعل بالطيب
أهل الكرم والطيب وأهل الشهامة
اللي تخاف الله وتدرى من العيب
وتدرى من الزلة وتدرى الملامة
مثل الصقور معكفات المخاليـب
دايم تعلى فـوق روس العدامـة
لا جوهم الضيفان يلقون ترحيـب
ولضيوفهـم يقدمـون الكرامـة
نعم الرجال اللي تعرف المواجيب
يلقى المعزة ضيفهـم واحترامـه
لا جاهم المحتاج خالي من الجيب
يدعي لهم من طيبهم بالسلامـة
في قربهم تبرى الجروح المعاطيب
وفي شورهم ما تغتشيك الندامـة
خذوا من الدنيا دروس وتجاريـب
مجنين اهـل الـرداء والرخامـة
ليس بغريب على الشيخ سالم المعلث هذا الاستقبال.
طبتم وطابت جميع اوقاتكم بكل خير.