يامـبـارك اصـحـى لاتـهـزك هـواجـيـس
السيـف قاسـي ماثلـم حــده سـيـوف
لـيــل الـعـنـا لامــرنــي بـالـوسـاويـس
واقفـى يلـوج بوسـط الاضـلاع ويطـوف
كـنـه يــدرس غـافـل القـلـب تـدريـس
مـن تجربـة واقـع ومـن قسـوة ظـروف
الفـرق ماهـو فــي حــدود المقايـيـس
الفـرق فـعـل" يـفـرق الــورد والـصـوف
والصـبـح واضــح مايـبـي لــه فوانـيـس
رجل"مشـابـه مـادخـل قلـبـه الـخــوف
جـرح" يـجـي خلـسـه وزور" وتدلـيـس
وجرح" يجي بيدين الاصحاب مكشـوف
ورجـل" يجـرب معـدن الطيـب ويقيـس
حــد الرجـولـه لاصبـحـت هــز بكـتـوف
ورجـل" سـلامـه يعتـبـر فـيـه تدنـيـس
ماهـو بـري لـو يلحـق حـلـوف بحـلـوف
مـانـي ابالطـيـب ولانــي بـابـن قـيـس
شاعر واصيغ اللي بدالـي مـن حـروف
امشي على درب النقـا والعـن ابليـس
واخـاوي الطـيـب عـلـى كــل مـعـروف
واشـوم عـن فعـل الـردى والمفالـيـس
وارفـع مقامـي لاحـكـى كــل ملـقـوف
عـنـدي خبـرهـم خايبـيـن" متـاعـيـس
شلة حواري , مسكنه , دجه , ضعوف
اشوفـهـم بالعـيـن خـلــف الكـواالـيـس
واغـض طـرف العيـن ماكـنـي اشــوف
ادريــبــهــم يـاحــبــهــم لـلــوالــيــس
وادريـبـهـم مـاغـيـر تصفـيـقـة كـفــوف
جمـهـور شـعـر" يتبـعـون المـلاحـيـس
ليـامـن قـصـد يـالـيـل يـاعـيـن يـــااوف
ساحـة معـارك كـل ابـوهـا جواسـيـس
لـكـن تــرا بـرحـه ولــو كـانـوا صـفـوف