إن كان توقيعي مخالف بمعناه = الدين , وإلا العرض , وإلا السياسه
تكفون خلوني الياجيت ملقاه = إلا مكانه شيل من عمر ساسه
وأنا انذروني والخطأ الشين ما أرضاه = حتى اعتبرها من جهتكم ادراسه
وان كان توقيعي على الصدق مبدأه = حفظ الحقوق ونبذ مبدأ الخساسه
سيرت رجال الطيب والخلق والجاه = حربا على أهل الغطرسه والنجاسه
نخبة رجال العرف والنقد وبناه = خلق و شيم وأبطال شعر وحماسه
خلوه يبقى في مكانه ومرساه = الصدق ثروة والعقول الحراسه
علم النقا يبقى كم السيل مجراه = ماصار في فكر النبيه التباسه
وترى الخطأ الواضح لو العذر يزهاه = اسمه خطأوالداب يعرف برأسه
والحق كلمة لاخضعت للمراواه = تصير بوثاق العهود انتكاسه
تكبر مشاريه الرجل عند شرواه = وتصغر أليا زاد النظر عن مقاسه