الشاعر والشاعرة يمتازون دائما بالطيبة وصفاء القلب من الأضغان والاحقاد لاسيما إذا كان معدنهم أصيل مثلك ,,,فهذا ان دل على شي يدل على نبلك وسمو أخلاقك ,,,,
بالمناسبة أخر كلامك عندما ذكرتي (أنك شاعرة ومالك ومال السياسة) ذكرني بقصيدة من اروع قصائد الشاعر العلم عبدالله باتل الرشيدي وأحب أهديها لك أهداء خاص :
القلب ضايق والحنايا معاليل
وضاقت بوجه اللي على قد حاله
وفز الخيال وعانق الياس والويل
هبت هبوب وكل طاري طراله
وجاب السياسه ...قلت هذي بهاذيل
وجاب الغزل ...وقلت مالي وماله
وغنى على ليلاه . ياعين . ياليل
وكلٍ على ماقيل يتبع خياله
((قد قالها رجلٍ حروفه تماثيل
مازل حرفه لاضربلك مثاله))
كلش يهون الا الثلاث الغرابيل
المهزله .... والمسكنه ... والرذاله
المسأله امحلله دون تحليل
الليل لو يظلم يبيًن هلاله
والليله الي ظلمها بيّد الحيل
وصًل شقاها لين حد الثماله
الظلم كافر والخطا نرفز الخيل
والذنب ذنب وكل بدعه ظلاله
لاوالله الا يازماني تهاويل
الذنب ذنبي يوم قلبي صفاله
كنت احسبنه باالمواقيف حلحيل
واثره سفيهٍ مايعرف الجماله
شربت من كاس المراره فناجيل
واليوم أشوف الظيم فاحت ادلاله
وسليًت حرفي والمعأني مساليل
سيفٍ ورثته من سلالة سلاله
ادخل على الله ماأسب المشاكيل
أرفع شموخ الحرف وأستر خماله
ماابغى حروفي تحت رحمة مهابيل
يشوم حرفي لاوصلت العداله
اخص ربعٍ تنقل القال والقيل
اهل النميمه والحسد والنذاله
صحيح باقي باالمواقف رجاجيل
وصحيح تلقى .. باألأوادم حثاله
أشكرك مره أخرى على تفهمك وسعة صدرك
تحياتي