(( ماشـــوف شـخص بحلاتــك ))
لحـــــــــــــظه قبل كل الحكي والمتاهات
قاري وسط عينك معاني سكاتــــــــــــك
مــــــــــــــن عادتك بعد الخطا لك عبارات
ومن عادتي أسعى وأدور رضاتــــــــــــك
حــــــــــتى غديت أفطن ومن دون كلمات
أقرى وأترجم مابقى من حياتــــــــــــــك
أن كـــــــــــــــان لك ونة ترى في جلطات
مستوطنه قلبي وتطلب نجاتـــــــــــــــك
الأولا ذي والثـــــــــــــــــــانيه مابعد جات
خذها حقيقه تدحم أربع جهاتـــــــــــــــك
فوتــــــــــــــــــــــلك " زله " وزله " وزلات
بس أنت ماتدري وشني سواتــــــــــــك
ترجــــــــــــــــع تكرر هالخطا عشر مرات
ياخي نصحتك لاتلاطم شفاتـــــــــــــــك
شفــــــــــني انا المظلوم من بعد مافات
انهض ولا اجلس لاطرالي شتاتـــــــــــك
لن الحــــــــــــــــــيا بالروح باقي ولا مات
واللي نكر حبه من الذات ذاتـــــــــــــــك
وأليا طريــــــــــــــــنا معدن الحب والذات
ماغيره من كان ماخذ صفاتـــــــــــــــــك
وأبقى رغــــــــــم ذلك معك بالمسافات
واقول يمكن تعرف أني غلاتـــــــــــــــك
ماقـــــــــــــول فاقد حس مافي صحوات
لازلت انا ماشوف شخص بحلاتـــــــــــك
ألحــــــــــــق على الأيام والعمر لحظات
وتفداك كل لحظه تـنـمـي صباتــــــــــك
الروح تعــــــــشق شخص من غير رايات
وانا وضوح الشمس وأنت أبعباتــــــــــك
لا تاخذ الســــــــــــــيه على مر الاوقات
أفلح خطاتك ربي يقبل صلاتــــــــــــــك
والخاتـــــــــــــــمه بيت على كل الأبيات
يسقي جذورك حتى يظهر نباتــــــــــك
انا وربـــــــــــــــــي رب سبع السماوات
أرهن حياتي لاجل تسعد حياتـــــــــــك
لـــــ عـــادل عـــــــوض