[الاجهر]

اقتباس من مشاركة ماجد عوض الذيابي الا ياصغير السن تبطي تجيـب الـراس هذا راسـي اعرفـه مايتبـع مخاييلـك عنيدٍ ومتربّـي علـى العـز والنومـاس انا اقطعلك ذراعـي اذا فكّـر ايجييلـك غرامك ماينفعني ولايرضي الاحسـاس تراجع ولا تتبـع ركابـك ولا خييلـك انا كل ماقلت ابتعـد ؟ قلتلـي لابـاس ؟ تقول الهوى غلاب !! واقـول يحلييلـك انا عشقتي صعبه على طابخيـن الفـاس وقلبي نـداويٍ مايطلـع علـى جييلـك ياشرّابة الكوكتيـل لاتقـرب المحمـاس مايشفي عوار الـراس بنّـك ولاهيلـك لو تسوّي ماتسوّي تراني قـوي البـاس وحتيّش لو تلبـس بناطيـل ماجيلـك ؟! ترى مايجيب الراس الا عبـاة الـراس ابنصحـك يالغالـي توفـر بناطيلـك !! واظن الصراحـه ماتزعّلـك ياحسـاس لا تطبخلـي القهـوى وتمـلا فناجيلـك مدام انّي منيشـن علـى قمـة النبـراس انا وش لي ابصبحك وانا وش لي بليلـك لو الزير في وقته رضى عن خطا جساس لايخطر على بالك اصوّت وانـا دييلـك توكل على ربك وفارقني يبـن النـاس ؟ ولاتكرّر الجيّه واذا جيـت ياوييلـك !!

تسلم وبيض الله وجهك