[ناصر خنيفر]

اقتباس من مشاركة زراق الاشهب السلام عليكم عمار يامنتدى عبس خبري فيه اخر محاوره مع ابووزره يوم كان الجحش موجود والمهم 1 وشاعر الثقلين وابوعوجه وقالو انهم هاجروا مابقى احد عسى الله يعقلهم على العموم انا تو اشتريت كمبيوتر اول ماعندي كمبيوتر ههههههه وجايكم جديد قديم جديد بااسمي هذا وقديم بتواجدي حيث اني كنت مع حزب عمي العمده انا والبرمكي وابووزره والجحش وغيرهم من الربع وانا اقول رجعت لحزبك ياعمنا العمده وابشر بسعدك وانا زراق الاشهب جيت يالعمده بعد جاني العلم الاكيد = انك تنادي على حزبك وتطلب مدد ابشر بعودة سلاطين بامرك يالعميد = باقيه لك حل ثاني لياحان الوعد ادري انك في غنى وادري ان باسك شديد = مير قلنا يمكن انه يبى يحكم البلد مالنا مخراج عن رائك وشورك سديد = معك ياناصر خنيفر فلا نخون العهد

هلا ومسهلا والمعذره عن التاخير توشفت الموضوع

مرحبا ماومت هواء النود في خضر الجريد= مرحبا ترحيبتن ماتحسب بالعدد
عودتك بعد المغيبه تشابه يوم عيد= مرحبا بزراق الاشهب على الشده سند
ابشر ان الحزب في خير ويضد الضديد= عن غيابك يابيض الوجه يكفي من قعد
اربع احزابن غدت يوم شعلتها وقيد= ومابقا منهم رمادن على الجوره سمد
ورتفع فوق العلم والله الوالي شهيد= واخر القتلا من احزابهم راس الاسد ههههههههه
وانتبه يمكن تعود المشاكل من جديد= ياقرو مانكتبه فيه علمن يستجد