[الهوى الغائب]

ياشينها / لاضاع عمرك ورا حلم ..
....................... والعمر ضيعته .. وضيعت حلمك ..


ولاعاد تدري أنت في حلم أو علم ..
....................... لا الحلم طاولته ولازان ... علمك ..


تشكي من الدنيا والأقراب والظلم ..
....................... والضيق والمنفى وساعات ظلمك ..


حربٍ ضروس ولاتهيابها .. سلم ..
....................... دارت رحاها و انكسر فيك سلمك ..


والسيف ماعابه اذا بان به .. ثلم ..
....................... والا أنت موتك يافتى الجود ثلمك ..


لاتفتكر من ضيقتك تطلع بـ علم ..
....................... واحذر من انك تطلع بشين علمك ..


يامن حياتك عشتها حلم في حلم ..
....................... ليتك رفضت تعيش لو يوم حلمك ..