اضحك بسنّي واصفّق له وليّه
صافي النيّه وربي يحتسبها
مير جتني سبّةٍ منّه قويّه
لو لغيري كان شكّك في أدبها
الحدود احدود ما نقبل خطيّه
هيه وقّف ما نبي يكبر لهبها
مبدأي أنسى ولا آفكّر بسيّه
مآني امدوّر بهالدنيا نشبها
الصداقه كنز واشريها شريّه
والعداوه نعنبو شخصٍ قربها
والمعزّه بيننا تبقى نقيّه
ما يعكّر صفوها وقتٍ سلبها
دنيةٍ تفنى ودنيانا دنيّه
ليه نتعب ليه نشكي من سببها