من كثر الاشواق .. شوف الكون وش صغره=من رحت .. هالكون مايسوى ولا حاجه
شاعرك يفداك عمره .. يابعد عمره=فداك كل القصيد .. اللي من انتاجه
لازلت غالي .. وحبك مانزل قدره=له سيرته .. له برستيجه .. ومنهاجه
آموت بك مثل موت اليوم .. من بكره=واحياك في كل لحظه .. لين نتواجه
أغليك وأبيك .. وأفرح فيك بالفطره=هذا شعوري .. وهذا كل ما احتاجه
آحن لك .. والشعور تخونه النبره=ويطول عمر القصيد .. بظلمة أدراجه
عن جد في غيبتك .. مدري وش الدبره=صارعت بحر الجفا .. وأردتني امواجه
الاّ على طاري أفراقك .. على فكره !=ما أشتاق لي قلبك .. اللي صدرك أسياجه ؟