تعال أسمع أبحكيلك / عن أثار الولع /وشصار !
تعال وحـس بأشواقـي / أباضُمّـك وبحكيلـك
تمعّن بالحكي يمكن /تحس أن الجـروح كبـار
تعَرف أني من غيابك /شكيتك شوق وآشكيلـك
حبيبي والزمن قاسي /وهو ظالم /وهـو غـدٌار
جرحني وأستلذ بلوعتي / بأسباب شوقـي لـك
من غيابك غدى حالي /حزين / وتايهٍ /محتـار
أتـوه بليلـي المظلـم /لان النـور قنديـلـك
أبيك تزيل بـي همـي /أبيـك تبـدد الأخطـار
أبحلم بك /وأبصحا بك / وأبفرح فيـك /وبليلـك
أحسٌك بالسما غيمه /وأدوٌر /ياضمـاي أمطـار
أبيك تمد بوصالـك /عسـاه يضفّنـي سيلـك
لانك فرحـة الدنيـا / لعينـي شعلـه الانـوار
وكل خطاي في دربك / تمـد بشـوق وتجيلـك
أنا /والحرف / وأشواقي شكينا حالنـا بأشعـار
جمعنا كلنـا حسنـك /لانـك سابـق ٍ جيلـك
مدامك قدمها عينـي /حبيبـي مابقـت أسـرار
بقول أنك هنا عمري /غلاي /وصعـب تبديلـك
عرفت شصار في حالي ترى فيني بعد أثـاااااار
تبي تعرف بعد أكثـر ( أباضًمـك وبحكيلـك)..
للمبدع الشاعر // خالد ماطر ..