[جميل مساعد]

السلام عليكم ورحمة الله
جديدي لكم وبدووون
مقدماااات


[poem=font="simplified arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] يـوم النصيحـه تنشـرى بالدنانيـر=لا خاب علمٍ مصـدره مـن رواتـي
موتي ولاكلمـة مذلـه مـن الغيـر=مبدا حقيقـي مـن مبـادي حياتـي
اشعلت ناري مـن همـومٍ مزابيـر=اصغرهن اللي كبر ضلـع السراتـي
امشي ولا ادري عن صدوف المقادير=ولا ادري مماتي وين بأيت جهاتـي
دنيا غريبـه مثلـت لـي مشاويـر=وعن هرجة الانذال اطش الحصاتـي
عانيت منها جاهـل وتـوي صغيـر=وانـا زبـون الشمـخ الراسيـاتـي
ازم نفسي عـن رداهـا ولا اشيـر=وإلا اتجاهل واكتفـي فـي سكاتـي
مـادام مـا ينفـع معاهـا المعاذيـر=يـارب طالبـك العفـو والثبـاتـي
الحشـر حشـرك والأوادم طوابيـر=وزودن علـى هـذا حفـاةٍ عراتـي
والصبـر طيـب باليـال المعاسيـر=تفـرج وفقـرك مقـبـلٍ للغنـاتـي
واللـي كسبهـا يالرجـال المناعيـر=اللي جعلها كتاب وقـت الصلاتـي
ولمـن تخلـف نـار وإلا زمهريـر=ماينفعه منسب .. ومال .. وعباتـي
اموت واحيـا ماحسبـت المخاسيـر=والله علـيـم بسيـتـي وحسنـاتـي
خامس سنه ونجومها بالسمـاء تنيـر=ولا عـاد باقـي غيرهـا باقيـاتـي
يالله تغفـر مامضـى مـن مدابيـر=وتختـم بزيـن العلـم بالمقبـلاتـي
[/poem]شعر / جميـــــل مســـــاعد

الموضوع الأصلي: مبدا حقيقـــــي ... جديدي | | الكاتب: جميل مساعد | | المصدر: شبكة بني عبس