[سعد بن عادي]

اقتباس من مشاركة كنترول القاف اسعد الله مسائكم اعضاء هذا المنتدى الشامخ وهذه قصيده للاخ العزيز / سعد بن عادي وللعلم والله ماني شاعر نظم ولكن يستاهل ابن عادي اننا نجتهد ونمدحه يا سلام الله على رجل وافي ومحشوم=والرجال اهل الوفى ما تضيع سلومها والله انه يا عرب فوق هامات النجوم=والقبيله كلها قام في ملزومها شيخ وافي ما ضرى للضعافه والرخوم=عطوته لا مدها تغتني في يومها ابن عادي والوسم واضح ٍ بين الوسوم=تعجبك شخصيته يوم سرد علومها ماكره مثل الحرار ارتفع بين الرجوم=حر نادر لا كفخ والخضير يحومها والله اني ما مدحته على شان الرسوم=مير بعض الناس نتعب على مخدومها وكنترول القاف غنى على مدح القروم=ما تعيبه دامها من بياض هدومها

هلا وغلا والله في شاعرنا العذب والرائع كنترول القاف
واشكرك من كل قلبي على قصيداتك التي اعتبرها وسام فخر واعتزاز على صدري لـ يوم الدين لانه من شاعر أحبه لـ شخصه وأحب لـ شعره شاعر يحبك القاف حبك .
وأتمنى أن أكون عند حسن ظنكم واعلم أنك بلغت بالقصيده طيبا وكرم من سموك .
وصح لسانك على كل بيت كتبته .
ويعلم الله أنه يعز الحرف والتعبير عن ما تكنه صدورنا تجاهك وعسا الله يجملنا معك ومع الجميع .

ودمتم كما تحبون