[(ابوعواض)]

كلكم سمعتوا البيت اللي يقول:-

تكفى ترا تكفى تهز الرجاجيل
لولا ظروف الوقت ماقلت تكفى

، لكن أغلبكم ماقرا القصيده الكامله،،،


امـا لطمنـا العيـل والا الطـم العيـل
مـادام شـب النـار منـدوب الاطفـا

مـن ذاق حـر القايلـه يعشـق الليـل
ومـن شـب ضـوه ليلـة البـرد يـدفـا

امسيت في جيل/ن ولاهوب ذا الجيل
و اصبحــت والا ديـرتـي شـبـه منـفــا

واللـي حمـا بيتـه بطيـر/ن ابـابيـل
ماجيـت ادور كـل مـن صـد واقفـا

ولا جيـت ابشحـد يانمـا دلـه وهيـل
جيتـك وجـرح الظلـم غـاديـه يشفـا

جيتــك بكلمـه كنهـا صعقـه الويـل
وان قلـت تكفـا لاتهــاون بتكفــا

((تكفا تراها كلمتن تقطم الحيل))
((لا بالله الا تنسف الحيل نسفا))

((تكفا تـرا تكفـا لهـا هـدرة السيـل))
((في صدر حر/ن ينتف الطيب نتفا))

((تكفـا تـرا تكفـا لـهـا تسـرج الخيـل))
((ان كان لك في مجمع الخيل عسفا))

((تكفا تراني من قرومـ/ن مشاكيل))
((حمـاية السـاقـه بسيفـ/ن وشلفـا))

((تكفـا وتكفـا ماتســاق لـمهابيــل))
((تكفا تخلي القرم لاشـ/ن وهطفا))

((تكفا ترى تكفا تهـز الـرجاجيـل))
((لولا ظروف الوقت ماقلت تكفا))