[عويض بن شامان بن خلف]

اقتباس من مشاركة قسورة الغاب

من امس يامعـزب الضيفـان بـرق الخيـال

يفـج كبـد السـمـاء والناشـيـه مـرزمـه

وادي القهد سـال والمرقـاب والشعـب سـال

والشمس بانت علي الراعي ماتح اغنمه ههههه

من طلعت اسهيل والديره جنـوووب وشمـال

لـو تشخـط السمـر بالبنـزيـم ماتشعـمـه

واليووم دوور النـداوي حـان يابـن الحـلال

جـدد سبووقـه وجهـز عـدتـه واحتـمـه

خلـه يجيلـه علـي شـرد الحبـاري مجـال

والـيـا طـلـع يالمـعـزب للهد قـدمــه

نبـي نوسـع خواطرنـا ونـشـد الـرحـال

اليـا متـي والصـدوور بضيقهـا مفعـمـه

القسورة من خيال البرق يطرح سوال

وانا الاجابه عشقت رموزها المبهمه

تلوح فوق المزون الغر شمس الزوال

يوم (البقيعي)مسوي بالديار اعسمه

حطيت فوق المطيه يالغضنفر جلال

لو ان ممشاء المطايا نوب ممشاء حلمه ههههه

ياللي ورا الصيده الدسمه ينط الجبال

متسلك اجبالها يطرد وراها نسمه

احيان يلقى وعل واحيان يلقى غزال

واحيان يلقى وبر واحيان يلقى جلمه ههههههه

على العموم اشهدنه مايحب الهزال

علمه على الطيبات الوافيات فطمه

القسورة والمعزب صحت للسنتكم مبدعين
ياالقسورة والمعزب ماعليكم جدا ل- ابياتكم دائمآ مليانه ومحكمه
والله ونعم الرجال ابناءشيوخ الرجال-أرجال طيب وفاءولربهامسلمه
تحياتي لكم والمعذره