مال للحياة بدون لاماك لذّه
قربك شفى روحي وبعدك عذابي
الحب يا مزيون بلوى وبذّه
وسط الشبك يرمي بحمر الرقابي
وأنا الذي ما عاد لي عنك شذّه
أهيم لك رغم أني انقل صوابي
عن شوف غيرك في صبا العين قذّه
ماساعةٍ طيفك عن العين غابي
لك ما تريده عذّب القلب واذّه
ممنون من فعلك ويفداك مابي
روحٍ تغذى من محبتك غذّه
لا تحرقه بالنار توّه شبابي
غب النكيفه من تحذاك حذّه
يا فارسٍ تطعن بروس الحرابي
ما يسقي الضامي من الغيث رذّه
لو كان صدق في بليص السرابي
وقت العطش كل المواريد عذّه
مير الصفا نقعه لذيذ الشرابي
قرهود كنك مارسٍ فيه فذّه
على يكونه من عيون السحابي