قام يتلفسف فوق منبـر ويحتـجّ
في غيبة مني والاوضـاع دجّـه
سوى محامي ثم ترافـع وأحتـجّ
مايدري انه يلزم النقـض حجّـه
لجلج على ماقيل ثـم رجهـم رجّ
يشرب هماج ويبلعـه مـا يبجّـه
قام يتهبد وأنطلق سيـره وهـجّ
وقام الزمن بالخيزرانـه يسجّـه
الله وكيلك مـن حماسـه توهـجّ
أبلا هدف ,, وبـلاإراده توّجـه
قام يتفلت أرعن الفكـر وأهـوجّ
عنـاه ربـي ثـم تقفـاه عجـه
ماهوب سبع اللي كلامـه مبنـجّ
هذاك له تريـاقِ اصفـر نزجـه
يفري أنحورٍأمتلت حقـد ويفـجّ
صدرسكن فيه الغـرور ويفجـه
لاجت كذا جيتك على غير منهـجّ
ومن دون لاصجه ومن دون لجه
والله لخليها علـى متنـك تحـجّ
وتحجج الاخرى ثمانيـن حجـه
أما تخلي عنـك بعـض التطعـجّ
ولا تجي وتروح من دون صجـه
ترىالقلم مثل القـدم لازم يسـجّ
والفكر متفاوت والأمـه أملجـه
وترى المدرج فيه نـاسِ تفـرجّ
ويمكن تجي للناس ياخبل فرجـه
خل التفلسـف والعنـا والتمـوّج
عن فضخ قلب الذيب يكفيك مرجه