[قسورة الغاب]

اقتباس من مشاركة خاتم سليمان السلام عليكم ورحمة الله وبركاته , , , , أنا والله مبطي ما جبت شي جديد للشعار هنا بالشبكه والهدف والله ماهو تعجيز لا والله بالعكس الهدف أسمى من ذلك لأجل ان تكون شبكة عبس ومنتدى المحاوره رافد من روافد البحور والطواريق النادره والمهجوره في القلطه والشي الثاني ودي انقل ثقافه وخبره للشعار هنا عشان يكون عندهم ألمام ومعرفه بجميع الطواريق والالحان .. الموال هذا لعب عليه الشاعر سفر الدغيلبي والشاعر فلاح القرقاح .... واللي بداه سفر الدغيلبي وكان يقول ان الموال هذا مكووسر مادري وشلون جاي لكن الله يعننا علاه . . . . شعّار قلعة عبس مع خاتم تردد=اليا وقف حر ٍ على الصيد يتهدد يلاعب الموال باللحن المجدد=ماكل من دوّر على حاجه لقاها من هجوس اللي مع الشعّار في طاروقه=كنّه الدعوه من المسلم على النصراني من يحفظ الماء بوسط القربه المشقوقه=لو يسجّ الدرب يصبح جايع ٍ عطشاني

اقتباس من مشاركة بعيد الشوح شعار قلعة عبس باخاتم تحلل موالك اللي جبت هالليله يملل مير انت حذرى لمستواهم لاتقلل ماكل من دور على حاجه لقاها ياهجوسي حضري للعالم المطفوقه = وعلميهم وقفة الفريّس بالميداني مأشتري بالرخص سلعه دامها مسروقه = ابدع المعنى على كيفي واجر اللحاني

اقتباس من مشاركة خاتم سليمان الله الله أنته بعيد الشوح لو شوحك قريّب=أطيّبك بالعود الأزرق ماتطيّب ما أنته كما حبيّب ولو تصبح حبيّب=ماكل من دور على حاجه لقاها ياهجوسه من تحت راسه وراسه فوقه=علّميه إن الحلاوه فوق رأس لساني يعرف التاجر حلاله والزبون وسوقه=ماسرقنا يازبون الظلم لاتبلاني

اقتباس من مشاركة بعيد الشوح انا بعيد الشوح شوحي ماهو حولك فارس وإلى مني بغيت آخذ ذلولك لكن ماني محاسبك عن شين قولك ولاكل من دوّر على حاجه لقاها يوم جيتك من ورى الخيمه مادوّر بوقه = ليه مارحبت بي ياخاتم اسليماني قافك اسهل قاف وعلومك ماهي ماثوقه = مير انا ابا اعطيك تسع ادروس بالمجاني

اقتباس من مشاركة خاتم سليمان الله الله ماخلفك إلا خلفك ولا فيه غيرك=ياللي توّرد ظامي الماء فوق بيرك شعّار عبس اللي خذو شرك وخيرك=ماكل من دوّر على حاجه لقاها طحت في طنب الخيام وطوّقك في طوقه=والله إنا مانرحّب غير فالأنساني أعطي الشاعر على قدّه ما أهضم احقوقه=درّس اخوانك دروسك وألعن الشيطاني

اقتباس من مشاركة بعيد الشوح ماعاد باقي فيك لو مثقال ذره من علم غانم ياسليمان المبره اثري مالوم الناس فيك بكل مره ماكل مادور على حاجه لقاها يعرف الرجال من تفكيره ومنطوقه = ايه شفتك من نصيب العالم الحيواني تعطي الشاعر حقوقه وانت اكلت اعروقه = ماتخاف الله ولاترجيه ياقوماني

اعوووذ بكلمات الله التامه

عاش بعيد الشووح بعد ولا يهوون خاتم