ايه أحبك .. قلتهـا مليـون مـره
قلتها وقلبـي يـردد لـك صداهـا
من غلاك الشوق مشعل فيني جمره
لاحشا جمـره ولا كـل ٍ قواهـا
هذا خلي اعشقـه بخيـره وشـره
لو يضيق الكون ما ضقت بفضاها
حبك اللي حيّـر الخافـق بأمـره
كم سهر ليله يعانـي فـي هواهـا
حبهـا مكّـن بقلبـي لـه مقـره
واعمت عيوني ما اناظر في سواها
شيخة ٍ ربي وهبهـا نـور قمـره
تأسر عيون المِنَاظر فـي حلاهـا
ما رأت عيني ولا روحي مسـره
غير في قرب الحبيب اللي سلاهـا
من يشوف عيونهـا نفسـه تغـره
وده يكون الحظيـظ ولـه غلاهـا
صاحبي هذي حياتي لعينـي قـره
نور قلبي بسمـة الدنيـا وضياهـا
عشقها بقلبي وصل حتى المجـره
وصرت ما اقوى دنيتي لحظة بلاها
؛[