وتشيل ياصعلوك.. بين المطارات
عمرك / بروايز الحكي / ذكرياتك
ليلتك / حزنك / دمعتك والسموات
وجهك ..وتغريب الليالي .. وذاتك
صلافتك / رقة عيونك لما .. فات
صوت أمك الواهي أمانه خواتك
إرثك/ جذورك/بسملتك / الصلوات
دارك / شبابيك الغياب / وصفاتك
خشوع قلبك / سجدتيك / التحيات
حكي الكثير .. ومختصر تمتماتك
كل العيون اللي تناظرك هيهات
لو دققت عجزت تحدد سِماتك
وأنت ب..جفونك يستفز المسافات
حلمٍ .. كسر ظهر الطموح بحياتك
تشيل ضمن اللي تشيل المجرات
في محجريك .. وموتِتِك بإلتفاتك
سموك أهلك بمولدك غايبٍ / آتْ
كن الرحيل .. إتوسموه فـلهاتك