ياخجولة لاتزيدين الخجل يخْرقطاعة
والقطاعة تخر القسوة وانا ماني بقاسي
الخجل طبعك ولااحداً قادرٍ يخلف طباعة
والطبيعة ماتزول ولو يزولاً الرواسي
الخجل شى جميل وفيه نوع من القناعة
والقناعة كنز لايفنى وبه دراً وماسي
يقنع الواحدولا يرضى التحسف والطماعة
والطماعة مابهاغير الخساير والمأأسي
بس من فظلك ترا بعض الخجل لو ربع ساعة
ساعةً فيهايدور الفكر مع خمس الحواسي
يثر بقلب المولع يوم درب العشق لاعة
لوعة المغرم عذاب وكلمة الولهان باسي
والمولع في بحور العشق كم؟يكفخ شراعة
والشراع اليا كفخ ماضنتي فيه انتكاسي
ياخجولة عاشقك عشقاً مثل عشق الشجاعة
والشجاعة ورث جد ولا انزلت من فوق راسي
وياخجولة!!عاشقك بالطيب مافيها دناعة
والدناعة ماتجي والطيب مااعرفله اقياسي
عاشقك عشقاً كما عشقي لمجلاس الجماعة
والجماعة عاشقاً مجلاسهم طيب وحماسي