شفتك هناك أطلال للحب ورسوم
وشفتك هنيا ساكن !! بالمحاني
مرت سنه واخر لقآء كنه اليوم
ياصاحبي بعض الثواني ثواني
أركض ورى الأيام واطيح وأقوم
أقول يمكن يفتكرني زماني
الحزن أبوي وخالي الشوم واللوم
والصبر جدي والقصايد أخواني
هم و سهر و الليل يضحك على النوم
يقول خله جابه الله وجاني
أعمى بدونك وامشي الظهر منجوم
وأبكم بدونك حل عقدة لساني
ياجمل قدر ياجمل شقا كان مقسوم
أمر وأطيعك لو زماني عصاني
أكتبك غالي واكتب الحب مظلوم
فرقاك تبكيني وذكراك أغاني
لولا الغرق وش علم الوز للعوم
ولولا السفينه وش نبي بالمواني
مادام أنا ملزوم بك وأنت ملزوم
لا طولت بعها ترى العمر فاني