اعذريني ترى ماعاد تجدي الحلول
نافذ الصبر لو سلم ســلاحه شجاع
كم تمنيت عشــــــرتنا هناها يطول
والفرح مايفارق عن عيونك ذراع
ودي ابسط حواليك السعاده سهول
من حنان ليا هب الهوى لك شراع
بس انا وين تفكيري وفكرك يجول
كل من لد فيك العين قلتي مــــلاع
يفتح الله انا ماني لحـــــــــبك ذلول
لا ولاني عسوف كل امرك مطاع
الوفى للوفى للي يعرف الاصول
والجفى للجفى لو قلت كلمة وداع
محمد علي الرويبعة ( رحمه الله )