مسابقة شاعر الموسم (2) مذكر العايضي
بسم الله الرحمن الرحيم
سلطان سلم لي على مكرم الناس == الشامخ اللي صار طيبه علامه
في منتدى كله نوادر مع ألماس == جمع رجالن بالوفا والشهامه
في شاعر الموسم بنا فكر وإحساس == وخلا الشعر يسطع بنوره ضلامه
أحدن يفكر كل ماهب نسناس == وأحدن يفكر كيف ياخذ وسامه
ملفي على ماقيل للعز نبراس == أنا اشهد أنه وافين في مقامه
ياجعل منهو لامني فيه ينداس == ويهان مع نفسه ليوم القيامه
يستاهل التقدير ياطيب الساس == ولاني بسامع في كلامي ملامه
واليا ذكرت اسمه يجيني تنوماس = من ساس عبس أهل الوفا والكرامه
بني رشيد أليا احتمى الوضع وأنحاس = ما أظن للعدوان باقي سلامه
يموت قلبه ممتلي حسره وياس == ويعيش في عمره شبيه الهلامه
ولايهون عيد عبيد والطيب مقياس== إليا نخيته مايشيل العمامه
يفزع لو أن الوضع مزري وحساس == بالطيب وعلومن تزيد احترامه
دونت مافي داخلي وسط قرطاس == وأبين الخافي بأجل أهتمامه
هذا كلامي ويهبي كل بلاس == وكلن على ماقيل يحسب كلامه
وسلامتكم والمعذره على القصور
مذكر العايضي
آخر تعديل بواسطة مذكر الرشيدي ، 03-10-2010 الساعة 01:19 AM.
|